«Ashyq» jobasy Qostanaı oblysynyń barlyq aýdandarynda aǵymdaǵy jyldyń 26 sáýirinen bastap jumys isteýde, dep habarlaıdy Egemen.kz.
Qazirgi tańda Qostanaı oblysynda «Ashyq» jobasyna qosylǵan 481 nysannyń 419-y joba qatysýshylary bolsa, 62-si testilik rejımde jumys istep jatyr.
О́ńirdegi shekteý talaptarynyń oryndalýyn baqylaıtyn monıtorıngtik toptar 268 nysandy («Ashyq» jobasyna qatysýshylar) tekserispen qamtı otyryp, 127 reıd ótkizdi.
Atalmysh toptardyń jumysy barysynda karantındik talaptardy buzǵan 4 nysan anyqtaldy, 3 jeke tulǵa («Ashyq» qatysýshylary), 1 kásipkerlik sýbektisi (jeke kásipker) jaýapkershilikke tartyldy. Salynǵan aıyppuldyń jalpy somasy 466 720 teńgeni quraıdy.
26 sáýirden búginge deıin Qostanaı oblysynda «Ashyq» jobasynyń kómegimen «qyzyl» mártebesi bar 8 tulǵa jáne «sary» mártebesi bar 6 tulǵa anyqtaldy. 3 adam ákimshilik jaýapkershilikke tartylyp, olarǵa jalpy somasy 131 265 teńgeni quraıtyn aıyppul salyndy.